Pinagtibay na kamakailan ng House Committee on Ways and Means ang tax provision sa panukalang Centenarians Act of 2010 na nagkaloob ng 50 percent discount at value-added tax exemption sa pagbili ng mga produkto at serbisyo para sa mga Pilipino na may 100 taon ang edad o pataas.

      Ang House Bill 834 na inakda ni Minority Leader Edcel Lagman ay naunang ipinasa ng House Committee on Population and Family Relation, at dinala sa Committee on Ways and Means upang partikular na pagtibayin ang tax proivisions nito na nilalaman ng Section 5.

      Itinatakda ng Section 5 na “all centenarians shall be entitled to the grant of 50 percent discount and exemption from the VAT, if applicable, on the sale of goods and services from all establishments, for the exclusive use and enjoyment or availment of senior citizens, amending for the purpose Section 4 of Republic Act 7432, as amended by Republic Act 9257, and further amended by RA 9994 otherwise known as the “Expanded Senior Citizens Act of 2010.”

      Samantala, sinabi ni Elsa Agustin, isang economist ng Department of Finance (DOF), sa mga kongresista na may 8,000 Filipino centenarians batay sa rekord ng National Statistics (NSO). nitong 2010.

       Ayon kay Agustin, suportado ng DOF ang panukala subalit mas makabubuting bigyan na lang ng P100,000 cash gift ang bawat centenarian o mga taong 100 anyos kaysa pagkalooban ng VAT exemption.

 

 

Munting Nayon News Magazine